Liguria

Liguria
Administrazioa
Estatua	Italia
Hiriburua	Genova
Probintziak	Genova Imperia La Spezia Savona
Udalerriak	235
Geografia
Koordenatuak	44°27′00″N 8°46′00″E
Azalera	5.410 km²
Demografia
Biztanleria	1.617.000 biztanle (2011)
Dentsitatea	298 bizt/km²
www.regione.liguria.it

Liguria Italiako Errepublika osatzen duten hogei erregioetako bat da. Bere hiriburu eta hiri populatuena Genova da. Italiako ipar-mendebaldean dago, muga hauek ditu: iparraldean Piemonte, ipar-ekialdean Emilia-Romagna, ekialdean Toscana, hegoaldean Liguria itsasoa edo Genoako golkoa (Mediterraneo itsasoa) eta mendebaldean Frantziako Itsas Alpeak departamentua. Hedaduraz Italiako hirugarren erregiorik txikiena da (5.422 km2) —Molise eta Aostako Haranaren atzetik. Halaere, biztanle-dentsitateari dagoionez laugarren trinkoena da: 292 bizt/km2, Campania, Lonbardia eta Lazioren atzetik. Alpeak-Mediterraneo euroeskualdearen parte da.

Geografia fisikoa

Liguria lur-zerrenda estua da, Liguriako itsasoaren eta Alpeen eta Apeninoen artean kokatua. Punturik altuena Saccarello mendia da (2.201 m). Mendiek lurraldearen % 65a estaltzen dute eta puntu askotan itsasoraino iristen dira.

Liguriako kostaldeak 350 km-ko luzera du eta bere plataforma kontinentala oso estua eta malkartsua da.

Banaketa administratiboa

Probintziak

Lau lurralde ditu:

• Genova
• Imperia
• La Spezia
• Savona

Hiri nagusiak

Genova, Imperia, La Spezia, Rapallo, Sanremo, Savona eta Ventimiglia.

Ekonomia

Italiako eskualderik aberatsenetakoa da. Itsasertzean loreak lantzen dira (Italiako arrosa eta krabelin gehienak bertan hazten dira) eta industriak garrantzi handia du, Genovan, La Spezian eta Savonan batez ere: altzairugintza eta metalurgia astuna (Cornegliano, Genova), petrolio findegiak (Savona, La Spezia) eta ontzigintza (Genova, La Spezia) dira industria jarduera nagusiak. Turismoak ere garrantzi handia du bai itsasertzean bai barnealdean. Itsas portuak (Genova, Savona eta La Spezia) ere jarduera handikoak dira.

Liguriar ospetsuak

• Benedikto XV.a
• Urbano VII.a

Irudi galeria

• 
  Liguriako lau probintziak
• 
  Cinque Terreko ikuspegia
• 
  Genovako portua, Italiako handiena
• 
  Portofinoko badia

Kanpo estekak

• (Italieraz) Webgune ofiziala
• (Italieraz) Holiday Liguria

• Datuak: Q1256
• Multimedia: Liguria / Q1256